【旅遊執垃圾】坐遊船遊阿姆斯特丹新玩法 打撈垃圾?

时间:2019-8-21  |   0  |  

去過唔少地方旅行嘅各位,應該試過坐小船喺河中暢遊觀賞當地風光,又或者出去撈魚、蜆等生物,不過撈垃圾大家又試過未呢?荷蘭阿姆斯特丹市內嘅運河由於長年都有唔少垃圾,有公司睇唔過眼,近年推出一項旅遊活動,就係坐小船撈垃圾!遊客坐上小船出發於運河中間,一人手持一個大網,見到垃圾就清理打撈起,當中除咗膠樽之外,竟然仲有尿片、手套、家具、電子用品、 酒樽、鋁罐、鞋等各種意想不到嘅固體廢物,甚至有撈過一整個菠蘿!呢所名為「塑膠鯨魚」(Plastic Whale)嘅公司去年就足足撈起咗46,000多個膠樽!唔少外國嚟嘅遊客,都參與呢種「生態旅遊」,好多人話估唔到一條運河入面就有咁多垃圾,遊覽城市之餘都希望為呢度出一分力。創辦人就話,阿姆斯特丹愈嚟愈多垃圾,其中一個原因就係遊客日益增多,所以希望利用返遊客嘅力量去清理垃圾,咁就可以得到平衡呢;大家下次去呢個城市,或者可選擇一下呢種咁有意義又奇獨嘅活動呢!

分享:
评论:请安装多说插件